Сценарии

Сценарий новогоднего утренника на якутском языке

Сана дьыллаа5ы утренник сценарийа

Кыра, орто белех

Ахсынньы __ кунэ 2016с.

Бэлэмнэнии улэтэ: хоhоон, ырыа, ункуу уерэтии. «Курдьук» - манан туул, снежинкаларынан, блесткаларынан киэргэтиллэр. Подароктар ууруллаллар. Хаар киhи онно олорор. Гантели – 22 шт. Синтепон хаардар.

Оруоллар:

Хаарчаана – Любовь Петровна

Хаар киhи – Анна Егоровна

Саhыл – Наталья Николаевна

Бетуук – Мотрена Григорьевна

Хаар кыырпахтара – кыргыттар

Дьиикэй кыыллар – уолаттар.

Тереппуттэр – сана дьыллаа5ы атрибуттаахтар (мишура, колпак о д.а.)

Музыка тыаhыыр. Хаар киhи «курдьуккэ» саhан олорор. О5олор Хаарчааналыын киэргэтиллибит  улахан группа5а киирэллэр.

Хаарчаана: - Керун эрэ о5олоор, кэрэтиин елкабыт -

                       Киэргэммит, симэммит:

                       Энин араас оонньуурдардаах,

                       Мишуралардаах, гирляндалардаах!

                       Чэйин, эрэ, кинилиин дорооболоhуо5ун.

Бары: – Дорообо, елка!

Айаал: - Дорообо, елка, биhиги до5орбут!

               Бары тегуруччу муhуннубут

               Ырыа ыллаары, ункуулээри,

               Иллээхтик Сана дьылы керсееру!                   

Ырыа «__________________________________________»

Хаарчаана: - Тэлгэhэбит мап-манан,

                       Ыллыктары тибии типпит.

                       Хаарынан бука бары

                       Оонньуоххайын, до5оттор!

Хаары курдьэн, улахыын- улахан курдьук оноруох!

Бэhиэлэй музыка тыаhыыр.

О5олор имитационнай хамсаныыны онороллор – хаар курдьэллэр, таhаллар, тиэйэллэр. Тереппуттэр кемелеhеллер.

Хаарчаана: - Маладьыастар, о5олор, сыалай хайа курдьук онорбуттар! Билигин ити хаартан Хаар киhитэ оноруохха. Бу атахтара, орто чааhа, илиилэрэ, тебете уонна бэргэhэтэ!

(Туулу – «курдьугу» арыйар, Хаар киhи туран кэлэр, харахтарын симэн турар).

Хаарчаана: - Дьэ Хаар киhибит тахсан кэллэ! Бэркэ онордубут, моркуоп муннулаах, бэргэhэтэ да кеннеру буолбатах, муустан, хаартан оноhуллубут. Ол да буоллар, то5о санарбат, хараҕын арыйбат? Хаар киhи, уhугун, о5олорго мичээрдээ! Уhуктубат, хайыыбытый, о5олор?

О5олор санааларын этэллэр, эппиттэринэн гыналлар, Хаар киhи уhуктубат.

Хаарчаана: - О5олор, Хаар киhини урэн керебут дуо?

О5олор урэллэр, Хаар киhи уhуктар.

Хаарчаана: - Хаар киhибит уhугунна, тыылланнаата, харахтара арыллынна, о5олору одуулаата. (Хаар киhи тыылланныыр, тула керер, о5олору одуулуур).

Хаар киhи: - Ок-сиэ, элбэх да о5олор, кыргыттар да уолаттар! Дорооболорун! То5о бэрдэй кэрэтэй, кыраhыабайдаргытын, тэтэркэйгитин! То5о маннык танынныгыт, тугу гына муhуннугут?

Хаарчаана: - Ыллыахпыт биhиги, ункуулуехпут, Сана дьылы керсуехпут!

Хаар киhи: - Оо, то5о учугэйэй! Сана дьыл биhиэхэ кэлбит!

Хаарчаана: - Хата бары билигин ункуулуеххэ!

Хаар киhи: - Тохтоон, тохтоон! Ыксааман, ыксааман! До5оттор, эhиги миигин хаарынан онордугут, оттон хаамарга уерэппэтигит. Бастаан уерэтин, хайдах хаамаллар, хамсаналлар? Кердерен биэрин!

Хаарчаана: - О5олор, Хаар киhиэхэ хайдах хаамары, хамсанары кердеребут дуо?

О5олор себулэhэллэр. Музыка тыаhыыр. Хаар киhи керер, утуктэр.

Танец “Мы ногами топ-топ-топ” - бары

Хаар киhи: - Хаамарга, хамсанарга уерэнним. Билигин бары сиэттиhин ункуулуе5ун, о5олор!

Ункуу «Буги-буги окей!» - бары

Хаар киhи: - Оо, дьэ маладьыас о5олор эбиккит, бэркэ ункуулээтигит. Билигин биир кистэлэни этиэм: куустээх буоларга, спорду таптыыр наада.

Хаарчаана: - Хаар киhи, биhиги уолаттарбыт кыыллар курдук олус куустээхтэр, кинилэр зарядкалыыллар уонна эрчиллэллэр.

Хаар киhи: - Дьэ эрэ, оччо5о бу гантеллэри биэрэбин. (О5олорго тунэтэлиир – 2-лии шт). Зарядкалаан кердерун эрэ.

Зарядка “Три веселых зайчика” – уолаттар

Хаарчаана: - Маладьыастар уолаттар, бэркэ да зарядкалаатыгыт! Спорду таптыыр эбиккит, кыргыттар да себулээтилэр.

Хаар киhи: - Аны билигин оонньуур кэммит кэллэ о5олор! Хаардарда ылын, бырахса оонньоон! (О5олорго хаар тунэтиллэр).

Оонньуу “Хаар”

Хаар киhи: - Уой да уой!

Хаарчаана: - Туох буоллун, Хаар киhи?

Хаар киhи: - Мин бэhитэлэй Хаар киhибин, тымныыны себулуубун. Оонньооммун тириттим, ууллаары гынным!

Хаарчаана: - Оо, о5олор, тургэнник кемелеhуеххэ. Кыргыттар, Хаар кыырпахтара, кэлин, кемелеhун, ункуулуеххэ, Хаар киhини серуукэтиэххэ!

Ункуу “Снежинки” - кыргыттар

Хаар киhи: - Оо, серуукээтим да5аны! Махтал буоллун, Хаар кыырпахтара! Хаар киhи: - Ким эрэ харыйбытыгар ыксаан иhэр, чуумпуран олорон иhиллиэххэ, ким кэлэрин керуеххэ.

Музыка тыаhа. Бетуук дьоhуннук туттан киирэр.

Бетуук – Эhиэхэ манна то5о учугэйэй, кэрэтэй! До5оттор, биллигит дуо миигин? Кимминий?

О5олор: - Бетуук!

Бетуук – Кэлэр сыл - мин сылым буолар. Олус улаханнык «Ку-ка-ре-ку!» диэн хаhыытыырбын себулуубун. Оттон эhиги? (О5олор эппиэттэрэ).

О5олор: - Ку-ка-ре-ку!

Бетуук – Дьэ ити дорооболостубут. Мин кеннеру Бетуук буолбатахпын, бэhиэлэй Бетуукпун. Эhигини кытта ыллаhыам. Бары хоробуокка туруохха, сиэттиhиэххэ, ыллыахха.

Хоровод «_______________________________»

Бетуук: – Мин манна Сана дьыллыы кэлэрбэр Саhылы керсуем диэн куттана – куттана кэлтим.

Хаарчаана: - Ээ, кини билигин кэлиэ.

Бетуук: – Уой даа! Хайдах буолабын, ханна саhабын!

(Бетуук куттанар, айманар, ханна барыан билбэт).

Хаар киhи: - Бетуук, Саhылтан куттаныма, уоскуй. Куттаммакка елка кэннигэр баран тур. Биhиги эhигини эйэлэhиннэриэхпит.

Бетуук харыйа таhыгар турар. Музыка тыаhыыр. Саhыл киирэн кэлэр.

Саhыл: - Мин кеп туулээх Саhыл буолабын. Дорооболорун! Эhиэхэ сонун кэпсээри тургэнник суурэн кэллим: манна Сана дьыллыы Бетуук бугун кэлэр!

Хаар киhи: - Бетуук кэлтэ ер буолла.

Саhыл: - Олус бэрт! Ханна бааргыный, до5оччуок? Эйиэхэ горох, пшено а5аллым, та5ыс, онтон мин эйигин сиэм!

Бетуук харыйаттан енейен туран:– Эн бастаан миигин тут, мин куобахтаа5ар тургэнник куотуом.

Оонньуу “Эккирэтиhии”

Тургэн музыка тыаhыыр. Саhыл Бетуугу елка тула эккирэтэр.

Саhыл: - Дьэ Бетуукчээн, чахчы тургэнник суурэр эбиккин, до5оччуок!

Хаар киhи: - Бырааhынньыкка иирсэр сыыhа. Эйэлэhин, до5оттоор!

Саhыл: - Чэ, себулэhэбин, Бетууктуун до5ордуу буолуом.

Хаарчаана: - Ханна до5ордоhуу баар, онно оонньуу баар. Оонньуоххутун ба5ара5ыт?

Оонньуу «Куобахтар уонна саhыл».

Слова В. Антоновой, музыка Г. Финаровского

Саhыл: - Дьэ о5олор, кыайан туппатым дии кими да! Сытыы да, сымса да кыргыттар, уолаттар эбиккит!

Хаарчаана: - Сана дьыл кэллэ! Бугун бары уерэллэр – кетеллер, биhиэхэ бырааhынньыкпытыгар Тымныы Моруос о5онньор кэлиэ. Ынырыа5ын эрэ бары: Тымныы Моруос о5онньор, кэл!

Бары: - Тымныы Моруос о5онньор, кэл!

Музыка тыаhыыр. Тымныы Моруос о5онньор (Т.М.О.) киирэн кэлэр.

Т.М.О.: - Дорооболорун, кунду до5оттор, о5олор уонна улахан дьоннор! Сана дьылынан э5эрдэлиибин, уерууну - кетууну, дьолу – соргуну ба5арабын! Бары бырааhынньыкка бэлэмнит? Бары доруобайгыт?

Саhыл: - Бары бэлэммит! Бары бэлэммит!

Бетуук: - Бары доруобайбыт! Бары доруобайбыт!

Т.М.О.: - Оччо5о Сана дьыл бэрткэ ааhыа. (Елканы кэрийэ керер).

Т.М.О.: - Елка кэрэтиин! Бэркэ бэлэмнэммиккит, Сана дьылы учугэйдик керсуехпут! Дьэ эрэ, елка, биир, икки, ус, араас енунэн кулумурдээ!

(Т.М.О. торуоскатынан охсор, елка уота умайар).

Хаарчаана: - Уой, кыраhыабайын, керун!

Т.М.О.: - Елкалыын оонньуоххутун ба5ара5ыт? (О5олор эппиэттэрэ).

Оонньуу «Елка уота умай!» (3 тегул)

Т.М.О.: - Билигин елканы  урдэхпитинэ – уота умуллуо. Боруобалаан эрэ, куускэ урун! Елкабыт кытаанахтык утуйбут, уота тыкпат буолбут. Бары ытыспытын таhыннахпытына, елкабытын уhугуннарыахпыт - уота тыгыа.

Музыка тыаhыыр, ытыстарын таhыналлар – елка уота умайар.

Хаарчаана: - Елкабыт биhигинниин оонньоото, уотунан чыпчыннаата.

Т.М.О.: - Билигин бары хоробуоттуохха елка тула туруо5ун.

Хоровод «________________________________________»

Хаар киhи: - Олус бэркэ хоробуоттаатыбыт, оонньоотубут.

Т.М.О.: - Дьэ эрэ, о5олоор, миэстэ5итин булун! (О5олор миэстэлэригэр баран олороллор.) Ким хоhоон аа5ар, кулгаахпын сымнатар? (Хоhоон аа5артан аккаастанар о5о тереппутэ кыттыhар, сиэтэн тахсан аахтарар).

 Хоhооннор: (бэйэ5ит керуугутугэр)

Т.М.О.: - Дьэ, махтал о5олор, кулгаахпын сымнаттыгыт, бэркэ хоhоон аахтыгыт. Барыгытын Сана дьыллаа5ы хоробуоттуохха ынырабын!

Хоровод «_________________________________»   

Хаар киhи: - Елкабыт араас уотунан олус куускэ тыгар.

Хаарчаана: -  Ол аата подарок ылар кэммит кэлбит!

Хаар киhи: - Подароктар ханналарый? Уна диэки суохтар, ханас диэки суохтар!

Т.М.О.: - Ойуур устун эhиэхэ подароктаах кэлэн испитим, куустээх тыал туспутэ, хаар типпитэ. Подароктарбын туhэртээн кээспитим. Булбата5ым. Кердуу барыам, ойуур киэн, кэтэhэ туhун.

Уот умуллар, елка эрэ умайар, Т.М.О. елканы эргийэ хаамар, кердеебутэ буолар. “Курдьугу” арыйар. Уот арыллар.

Т.М.О.: - Бу сыталлар подароктарым! Кэлин, о5олор, подароккытын ылын!

Хаарчаана: -  Киэргэммит харыйа тула о5олордуун ыллаатыбыт, ункуулээтибит.

Хаар киhи: - Аны билигин барар кэммит кэллэ. Покааларын, о5олор, керсуеххэ диэри!

Т.М.О.: - Керсуеххэ диэри, о5олор, ийэлэр, а5алар, эбээлэр, эhээлэр! Барыгытын Сана дьылынан! Сана дьолунан!
Бетуук: – Мин сылбар бары дьоллоох, ситиhиилээх буолун!

Фотосессия